t Is veujoar, mor niet aal t veujoarsweer is met zunneschien.
Nachts vrust et, overdags schient de zun en verswient hoagel gaauwachteg. t Gijt aalmoal an dit vogelskelet veurbij.Willem Tjebbe Oostenbrink
Over poëzie, creativiteit en dichtactiviteiten ien t Westerkertiers (West-Gronings) en af en toe in het Nederlands.
dinsdag 23 april 2024
donderdag 18 april 2024
Oavend ien Muntjeziel
t Schoftke leden was ik ien Muntjeziel. Muntjeziel is n dörp op de grins van Vrieslaand en Grunnengen, krekt an westkaant van t rivier de Lauwers. Doar trof k dit bret op e muur met "De Weem".
Weem is t Grunneger of breder t Nedersaksische woord veur pastorie. Vroeger was t onderdeel van kerkeleke gebaauwen. Aandere woorden bruukt bennen: weme, wheem, wheeme. Ien Grunnengen en Drenthe bennen verscheidene wemen te vienden (beveurbeeld Westeremden).Kennelek het Muntjeziel toch wel wat Grunneger woddels.
t Het slim nat west, en ondertussen liekt het al weer zo.vrijdag 12 april 2024
Meerkoetpiekje
Doar is er of ze dan. n Piekje van de meerkoet op 11 april uut t ei.
zondag 7 april 2024
Gedicht Zummerbries met muziek
Gedicht Zummerbries van Willem Tjebbe Oostenbrink met Klaas Jan van der Veen op euphonium.
En nog wat aans. Ien de leste editie van BLAD, t Grunneger lifestyle blad, ston n recensie van Fré Schreiber over de bundel Uutkomst.
Kiek mor even hieronder
woensdag 3 april 2024
Uutkomst ienspireert Pervincioale Stoaten
20 meert was de veurdracht ien Pervincioale Stoaten van Grunnen. Wat bliekt: PS is tot nije ienzichten kommen. Je kennen rusteg stellen: Poëzie ienspireert!
Zo bliekt dat poëzie Grunnengen ienspirereert!
vrijdag 29 maart 2024
Noa de störm noar n stille Poask
t Was wat, leste weekenne wat t weer angijt. Dan weer meertse buien met hoagel, dan weer zunneschien.
Meert roert zien steert en April dut wat er wil. Zo is t en niet aans.
Mor t weerde niet op de reigernusten. Tussen rukwienden en hoagelstienen deur rugelden eier uut t nust. Reigers kennen weer vannijs aan de bak met nije broedsel.
Mor bedocht k me, ien dizze störm leek rusteg op d'eier zitten mij gien pretje. k Stelde me veur dat moeke-dieren misselek werden van hinneweer zoeiernde dennebomen en kokhalsend op t nust zatten.
Veur de eier moek et misschien ok niet veul uut, of ze nou ien t nust leggen bleven of dat ze op e grond kletterden. Hoeveul geklots en geschud kennen jonge embryo's ien de dooier verduren?
t Had der veul van weg dat eier klopt werden, as onderdeel van n beslag.
vrijdag 22 maart 2024
Optreden ien Pervincioale Stoaten - Aandacht
t Is Meertmoand Streektoalmoand. Doarom n veurdracht ien Pervincoale Stoaten.
(c) Willem Tjebbe Oostenbrink 2024 |